Ózbekstan Respublikası Prezidentiniń 2025-jıl 24-dekabrdegi 63-sanlı májilis bayanlaması hám Densawlıqtı saqlaw ministriniń 2025-jıl 26-dekabrdegi 400-sanlı buyrıǵı tapsırmalarınıń orınlanıwın támiyinlew maqsetinde akademik YO.X.Twraqulov atındaǵı RIUIATM, Qaraqalpaqstan Respublikası Densawlıqtı saqlaw ministrligi hám RIUIATM Qaraqalpaqstan Respublikası filialı baslaması menen 2026-jıl 8-9-aprel kúnleri Qaraqalpaqstan Respublikası Medicina institutınıń májilisler zalında akademik YO.X.Twraqulov atındaǵı RIUIATM treneri Adina Baydauletova tárepinen “Qantlı diabet 2 túrli nawqaslardı terapevtlik oqıtıw milliy mektebi” sheńberinde baslanǵısh medicina sistemasınıń patronaj miyirbiykeleri ushın qantlı diabet hám yod jetispewshiligi jaǵdaylarınıń baslanǵısh profilaktikası boyınsha jumıs alıp barıldı. Xalıqtıń salamat turmıs tárizin qáliplestiriw, medicinalıq mádeniyatın arttırıw boyınsha sertifikatlanǵan seminar-trening shólkemlestirildi. Seminarǵa jámi 209 patronaj, ámeliy hám filiallıq medicina miyirbiykeleri qatnastı.
